Baldadigens yn Winaam

Dwersbongelje, narje, en kliere binne gjin hjoeddeistige eigenaardichheden fan minsken. Se binne fan alle tiden, fan alle rangen en stannen en komme foar yn steden, doarpen en gehuchten. It giet ek net foarby oan it keatsen, no net en eartiids seker net! As je de midsieuske keuren en feroarderingen der op nei lêze dan liket it wol as soe it keatsen de grutste oarsaak wêze fan út de hân rûne braspartijen en doarpsrûzjes. En hoewol’t ik gjin saakkundige bin op etymologysk gebiet soe ik der net frjemd fan opsjen dat it wurd “baldadigens” ek syn oarsprong hat yn “it spul mei de lytse bal”. 

Winaam 1791

Hoe’t it ek is, it wurd “baldadigens” spilet yn elts gefal sawol letterlik as figuerlik in belangrike rol yn in skeel oan it ein fan de 18^de ieu tusken de skoalmaster fan Winaam en de keatsende jongfeinten fan it doarp. De skoalmaster wenne yn it skoalmastershûs dat doe njonken de tsjerke stie. Der wie genôch romte nêst tsjerke en skoalmastershûs om te keatsen en dat waard dêr dan ek op geregelde tiden dien.

Mar keatsballen wiene hurd en de ruten tin, dat der fleach mei gauwens in bal troch de glêzen. Dat wie min nei it sin fan de skoalmaster en oare buorlju. In klacht bij de grytman R. van Haarsolte liede ta in ferbod en by oertrêding sels ta in boete fan trije gûne.

Skoalmaster bleau sa in oantal jierren frijwarre fan stikkene ruten, mar it keatsersbloed liet him ek yn Winaam net samar delbêdzje. In pear jier letter wurdt der dochs wer keatst foar de ruten fan ús skoalmaster.  En dizze kear fleane de ballen noch faker troch de glêzen. Yn in brief fan 2 juny 1791, dy’t bewarre bleaun is,  kleit de skoalmaster “dat sij nu kort na elkander ses maal vele glasen hebben ingeslagen, dan een, dan twee tegelijk.” En yn dyselde brief freget ús pleage master oan de tsjerkfâlden “in hoeverre hij dat alles lijden moet”. It is ek wol min of te mear dúdlik dat de man mei opset narre wurdt, want der wie in ein fierderop genôch plak “alwaar sij minder gevaar en meerder ruimte hebben, daar sij voor desen soo lang gekaatst hebben.” Mar de keatsers hiene it dizze kear goochem oanpakt, hja hiene foarôf tastimming frege – en ek krigen - by de grytman “om bij het scholehuis te mogen kaatsen, met die verdere vrijheid om de glaasen welke zij inslaan met betalen te konnen voldoen.”  It liket der yn de jammerklacht fan de skoalmaster wol op dat de keatsers al fan te foaren jild meinommen ha om de ruten te beteljen sadat der gjin gedonder fan komme kin. Nei ôfrin fan it keatsen “vragen zij al lagchend en spottend wat zij schuldig zijn en brengen telkens tot verschoning de permissie van de Grietman bij, dat se met betalen konnen voldoen.”

Mar it jild fergoede net alles, de argewaasje bliuwt en master fielt him yn syn ear oantaast as er ek noch útskolden wurdt “voor een dwarsbongel die boven de Grietman wil zijn, en met meer andere vuile praatjes, waardoor hij voor den minsten jongen moet swijgen en uit den weg gaan om hen te laaten geworden.”

Master hat it der mar moeilik mei! En hy eindige syn brief dan ek mei de fersuchting: “dat, indien sij soo onbepaald mogen voortgaan, gelijk zij zeggen te zullen doen, dat dan de ondergeschrevene wegens de stantplaats van het schoolhuis in dit geval de ongelukkigste bewoonder is in de geheele buuren.”

Ferantwurding:

It argyfstik dêr't út siteart is, komt út it famyljeargyf Beyma Thoe Kingma ynventaris nûmer 2378 dat bewarre wurdt by Tresoar yn Ljouwert. It argyfstik is te lêzen fia de hjirûnder steande links. It is wol oan te rieden om gebrûk te meitsjen fan de mooglikheid om de tekst te fergrutsjen.

http://tinyurl.com/6zcxf6y en http://tinyurl.com/5th7aly

By de ôfbylding:

Kadastrale kaart fan Winaam, begjin 18^de ieu. It skoalmastershûs mei nûmer 362 stiet boppe de tsjerke.

In fergrutting fan de ôfbylding is te besjen fia de ûndersteande link:

http://tinyurl.com/6y9t544

 

Jan Bogtstra foar de rjochter

“Skelle, skelle doet niet seer, skop onder de kont dat helpt wat meer.” Dit rymke út myn Frjentsjerter jeugd sket my yn it sin doe’t ik yn de argiven fan de Ljouwerter Arrondissemintsrjochtbank de namme tsjin kaam fan Jan Bogtstra. Wat wie der bard dat dizze ferneamde keatspromotor út Frjentsjer, yn de skandebank siet?

BOGTSTRA OER DE ROAIE

It is acht july 1892. Jan Bogtstra dy’t de kost fertsjinnet mei de hannel yn distillearre dranken wurket thús yn syn winkel op de Godsacker yn Frjentsjer. Hy krijt die dei besite fan twa manlju dy’t er goed kin, mar leaver net te faak sjocht. It binne de Frjentsjerters Johannes van Gogh en Anne Postema beide amtners fan de belêstingtsjinst. 

De mannen meitsje Bogtstra mei gauwens dúdlik wêr’t se foar komme. Se jouwe him in bekeuring omdat hij sterke drank ferkeapet oan minsken dy’t derfoar gjin fergunning ha. Yn it prosesferbaal ferklearret Van Gogh “dat hij wel onlangs iemand ontmoette die met een kruik drank de winkel van beklaagde verliet zonder document. En dat hij dien man toen gewaarschuwd heeft die kruik terug te brengen en zich van een document te voorzien.”

Doe’t se Bogtstra derop oan sprutsen, moat hij sein ha dat “de wet van 1862 zoo lastig voor hem was en dat daar vroeger nooit over is gesproken.”. Hij joech dermei min of te mear ta dat er weet hie fan syn oertrêding.

Frjemd genôch wie de oertrêding fan de drankwet út 1862 net de reden dat Bogtstra foar de rjochter dage waard. Nei’t de amtners him de bekeuring jûn hiene wie er ferskrikkelik lulk wurden. Hij hie de mannen útskolden en beledige. Us keatsbestjoerder hie fansels witte moatten dat je yn it hjitst fan de striid josels behearskje moatte. Dat jild by it keatsen mar seker ek as jo te krijen ha mei “kommiezen van ‘s rijksbelastingdienst” dy’t yn funksje binne.

Bogtstra waard driftich en ropte de mannen ta “wat bent jullie goddommesche mooie kerels.” Want neffens syn ferwar hiene se him tasein  “dat zij nog wel eens iets door de vingers zagen en er niet op zouden letten.” Doe’t Van Gogh derop antwurde: “It is wel mogelijk, maar daaraan behoeven wij ons niet te houden.” gie Bogtstra hielendal oer de roaie. Hy bitste de mannen ta “je bent apen, ‘t is een jesuitische behandeling en je bent verraders en schoeljes.” Dit akseptearje de amtners net en sadwaande kaam it ta in proses.

As Bogtstra foarkomme moat ûntkent hij allinnich dat er de mannen “schoeljes” neamt hat. Fierders seit er dat it gjin opset wie om de mannen te beledigjen mar dat “hij ze in drift heeft geuit meenende door hen valsch behandeld te zijn.”  

OARDIEL EN VONNIS

Op 17 septimber 1892 waard der rjocht sprutsen. De rjochter kaam yn syn oardiel ta de konklúzje dat “wettig en overtuigend is bewezen het misdrijf van eenvoudige beleedigings aangedaan aan ambtenaren gedurende de rechtmatige uitoefening hunner bediening.” Hij feroardielet Jan Bogtstra ta it beteljen fan “eene geldboete van vijfentwintig gulden, bij niet betaling binnen twee maanden na den dag waarop de rechterlijke uitspraak kan worden ten uitvoer gelegd, te vervangen door hechtenis van tien dagen en in de kosten van het geding.”

Al mei al kaam de driftbui Jan Bogtstra djoer te stean. Fiifentweintich gûne boete, fermeardert mei fiif gûne proseskosten en dan noch de kosten fan syn abbekaat Mr. Bernardus van Loon dy’t him bystie foar de rjochtbank. No lykje disse bedragen yn ús eagen mar in skiterich leech bedrach, mar dat wie it doe net. In arbeider fertsjinne doe sa’n trije knaken yn ‘e wike dat it wie in minne set. Efternei betink ik my dat it mar goed is dat Bogtstra it rymke út de ynlieding net tapast hat. In “skop onder de kont” by in “kommies van rijksbelastingen” joech miskien wol ferromming fan frustraasje mar fest en seker ek gâns wat mear jildpine dan in “eenvoudige beleediging”.

Verantwoording foto's:

De afbeelding van Jan Bogtstra is te vinden op de site http://www.kaatshistorie.nl/

Met daarbij aanvullende informatie: http://tinyurl.com/3as3zcx

De ansichtkaart van de Godsacker te Franeker is te vinden op: http://www.tresoar.nl/

via de link: http://tinyurl.com/3somora Bogtstra woonde in het vijfde huis links.

 

Keatsteam “De Fjouwersprong”

Dit foarjier makke Jindra ten Kate bekend dat sy dit jier net keatse sil. Sy is yn ferwachting fan har earste berntsje en dat is fansels in goeie reden om net te keatsen. It wie foar har keatsmaten Bianca van der Veen en Afke Kuipers it begjin fan in lange syktocht nei in oare foarynse. Dat wie net sa maklik want alle partoeren hienen al stelt en de mooglikheden wienen beperkt. Keatsters dy’t ophâlden wienen, waarden benadere en hoewol guon betinktiid fregen en der serieus oer neitochten, slagge it net.

Doe’t yn maart bekend waard dat Judy Bergsma troch in knibbelblessuere dit jier ek net spylje koe, sieten ek Nynke en Wiljo Sybrandy sûnder foarynse. De fjouwer froulju rekken yn petear en it late ta de ôfspraak om in team te foarmjen en mei syn fjouweren te keatsen. Soks liket hast op flokken yn ‘e tsjerke en we litte har dan ek sels oan it wurd om út te lizzen hoe’t se dat ha wolle.

Keatse mei syn fjouweren?

“We ha oerlis hân mei Ymkje Broersma en mei de Dames TC (Technyske Kommisje) want wy woenen einliks wol keatse as in team fan fjouwer persoanen mei de mooglikheid ta wikseljen ûnder de partij. Bûnscoach Tjalling van den Berg hie dat in kear oppere mar it docht bliken dat soks no noch in stap te fier is. De KNKB wol dêr (noch) net yn mei gean. Wy fine dat spitich want it soe de mooglikheid jaan kinne foar taktysk keatsen, wêrby’t je ynspylje op de tsjinstanner en de spelsitewaasje fan dat momint.

Mar wy krigen fan de KNKB te hearren dat it wol mooglik is om elke wedstriid in oare spiler op te stellen. Dat hat alles te krijen mei de nije regeljouwing foar ynfallen, bylotsjen ensafuorthinne. Partoeren binne no sels ferantwurdlik foar wa der meidocht en hoege dêroer net mear yn oerlis te gean mei in TC of skiedsrjochter. Dy mooglikheid joech ús kânsen om dôchs mei syn fjouweren te keatsen.

Om’t wy mei syn fjouweren in protte skowe kinne yn funksjes ha wy ôfpraten dat wy yn de Frije Formaasje om beurten meidogge. As der elk wykein ien Frije Formaasje wedstriid is, dan hat elk fan ús ien kear yn ‘e moanne in dei frij.”

Oplossings of problemen?

“Problemen binne der genôch mar wy tinke yn oplossings. Dêr komt by dat wy in goed gefoel ha by inoar en dat it ûnder inoar klikt. Wy ha de saken goed trochpraat en ha ek kwa training en sponsering de saken goed op oarder. Sjirk Gjalt de Groot út Mantgum is ús trainer en Lânboumeganisaasjebedriuw D. Kuipers út Greonterp en Wytmarsum is haadsponser. Fierders wurde wy stipe troch Intersport út Ljouwert en skoanensaak Klaversma út Mantgum. We binne al in oantal wiken goed oan it trainen en sille kommend wykein in hiele dei mei noch trije oare partoeren in lyts trainingstoernoai hâlde.”

De Fjouwersprong

“De namme fan ús team hat fansels te krijen mei it feit dat we mei syn fjouweren binne. Mar it is ek symboalysk foar de mooglikheden dy’t wy as team ha. Nynke en Afke kinne foarbêst opslaan, Nynke, Wiljo en Bianca kinne foaryn en Wiljo en Bianca beide ek efteryn. As it moat kin elkenien de foar best of de foar minst opslach oernimme.

Boppedat jout fjouwersprong oan dat je op in krúspunt stean. Miskyn stean wy mei dizze opsje wol oan de basis fan in nije wize fan teamkeatsen. De KNKB kin ús yn dat opsicht folgje as in “testcase” foar it keatsen yn teams. Ek foar de sponsers is it oantreklik, want by in blessuere bliuwt it team yntakt en wurdt de sponsernamme útdroegen.

We moatte it mar ris besjen, foarearst sille wy sa keatse en we sjogge wol hoe’t it ferrint. Ek dat is in soarte fan fjouwersprong, je witte yn it keatsen doch noait hoe’t it komt. Mar wy ha der gewoan hartstikke nocht oan en sjogge it wol sitten.”

                                                                                                                 

                                                         

                                                           

Ids Roukema fan Harns wûn yn 1913 in keninklike priis

“Volgaarne in bovenaangeduid verzoek voldoende heb ik de eer u Hoogweledele mede te delen dat de aloude Friesche kaatssport zich heeft staande gehouden en in een gedeelte der Provincie door de bevolking ook in hare onderste lagen met groote voorliefde wordt beoefend.”

In ynteressant dossier

It sitaat wêrmei dit artikel begjint komt út in brief fan de Kommissaris fan de Keningin yn Fryslân. De brief makket diel út fan in ynteressant dossier dat bewarre wurdt ûnder no. 9872 yn it argyf fan it Provinsjaal Bestjoer yn it argyf fan Tresoar yn Ljouwert. It pak papier stiet yn de ynventaris omskreaun as: “Stukken betreffende het bevorderen van sport, spel en recreatie, 1908 – 1914.” Dit makke mei nijsgjirrich en al ridlik gau siet ik yn de stapel papier te snuffeljen. En dêr tusken papieren oer hurddraverijen, reedriden en sylwedstriden fûn ik ek in fjouwertal fellen papier dy’t te krijen hiene mei in ynternasjonale keatswedstriid út 1913.

In fersyk fan de PC oan de Keninginne

It earste fel wie in brief fan de privee sekretaris fan de Keninginne. Hij frege oan de Kommissaris fan de Keninginne om him advys te jaan oer “een verzoekschrift van de Permanente Commissie der Franeker kaatspartij.” Omdat der fan dit fersyk gjin kopy bewarre is wurdt net rjocht dúdlik hoe’t de PC it fersyk ynklaaid hat en wat se krekt frege ha. Ek sneupwurk yn it Keninklik Húsargyf hat nea opsmiten. Der is gjin brief fan de PC út dy tiid bewarre. Ut it brief fan de Kommissaris, blykt allinnich dat der frege is om trije medaljes foar it priiswinnend partoer fan in ynternasjonale wedstriid tusken trije Fryske en trije Belgyske partoeren.

It antwurd fan de Kommissaris bestiet út trije feltsjes tekst. Hy begjint syn advys mei in ferwizing nei it keatsen as folkssport (sjuch ynlieding) en skriuwt fierder dat “onder de wedstrijden die jaarlijks gehouden worden, die van de Permanente Commissie vele jaren de allereerste plaats hebben ingenomen.”

Fierders ferwiist de brief nochris nei it ynternasjonale aspekt fan de keatspartij en de Kommissaris beslút mei: “te adviseeren aan het verzoek der Permanente Commissie te voldoen zowel om reden het hier een belangrijke wedstrijd geldt, in een intens populaire tak van volkssport, als omdat de Permanente Commissie zich gedurende haar 60 jarig bestaan zeer verdienstelijk heeft gemaakt voor de handhaving van het aloude Friesche kaatsspel. Zij heeft daarvoor wel de erkenning verdiend welke ongetwijfeld gelegen is in het beschikbaar stellen van prijzen door U.M.”

Dochs waard de fraach fan de PC net hielendal honoreare want op de wedstriidlist kin wij lêze dat der net trije medaljes skonken waarden mar dat allinnich de keningspriis bestiet út in “groote zilveren medaille uitgeloofd door Hare Majesteit de Koningin.”

It keningshûs en de PC

It wie net de earste, en ek net de leste kear dat de PC mei sukses in fersyk yntsjinne by it Keninklik Hûs. De earste kear wie yn 1878, doe’t Kening Willem III finansjele stipe joech foar de gouden horloazjes by it fiifentweintich jierrich bestean fan de PC. Yn 1895 joech Keninginne – Regintesse Emma “twee groote zilveren medailles” oan de kening fan de PC. Ek nei 1913 is de PC noch ferskate kearen stipe troch it Keninklik Hûs. Sa joech Keninginne Wilhelmina ek noch eareprizen yn 1923, 1928, 1933, 1938 en 1948. Keninginne Juliana folge yn 1953 by it ieufeest fan de PC. De leste kear dat soks barde wie yn 1998, mei it jubileum fan de K.N.K.B., doe’t Keninginne Beatrix de tradisjonele bân tusken PC en it Keninklik Hûs fernijde mei it jaan fan trije medaljes foar it priiswinnend partoer. Ek de famylje fan de Kommissaris is fan grutte betsjutting west foar de “sponsoring” fan de PC. Want de heit fan P.A.V. baron van Harinxma thoe Slooten, dy’t ek Kommissaris yn Fryslân west hie, hie al yn 1883 de sulveren wandelbal as wikselpriis joen foar de kening fan dizze wichtige keatspartij.  

De ynternasjonale fan 1913

Yn tsjinstriid mei de tsjinwurdich sa fûleindich bewarre tradysjes fan de PC waard by it 60 jierrich jubileum yn 1913 ôfwykt fan de feste woansdei wêrop de partij spile wurdt. (mar dat barde yn de begjin jierren wol mear.) Der wie dat jier gjin PC op de fiifde woansdei yn july mar dus in ynternasjonale wedstriid tusken trije Belgyske en trije Fryske partoeren. Ek de list wie wat oars as oars. Der wie ôfpraat dat elk Belgysk partoer ienkear tsjin elk Frysk partoer keatse soe. It publyk koe dus njoggen kear genietsje fan in Fryslân – België. Ut in ferslach fan dizze partij yn de Franeker Courant fan 31 july docht bliken dat de Belgen muoite hiene mei de opslach mar dat harren útslach besjen leie koe. Fan de njoggen partijen wie der seis kear in Fryske oerwinning. It publyk koe doe noch âlderwetsk genietsje fan in protte tuskenspul en de ferslachjouwer skriuwt entûsjast oer “tric-tracs, Victoria- en Herculesslagen”. De ein oerwinning gie nei it Fryske partoer fan C. Werkhoven, A. Smidts en I. Roukema fan Harns. Hja wûnen dat jier ek de echte PC dy’t die moandeis foarôfgeand plak fûn hie. De “groote zilveren medaille” foar de kening fan de partij, dy’t oanbean wie troch Keninginne Wilhelmina, waard wûn troch I. Roukema. It keatsmuseum hat gjin prizen fan de Harnzer Ids Roukema en ek syn neisaten witte net precies wat der mei syn prizen bart is. Der wurdt fan grute dat Roukema syn earemetaal smelte litten hat. Mocht dat sa wêze, dan sil dermei ek grif it ein fan de Keninklike medalje wol besegele wêze.

Ferantwurding foto's:

De boppeste foto komt út it argyf fan Tresoar. Dêrop sjogge we keningin Wilhelmina yn geselskip fan Kommissaris P.A.V. Van Harinxma Thoe Slooten dy't op besite is yn Fryslan. De foto is datearre: septimber 1934 mar it is net bekend wêr't de foto makke is en by welk evenemint. Soe it op de Aldehoupartij wêze kinne?

De ûnderste foto komt fan it keatsmuseum. Fia dizze link krij je noch mear fotoos fan "Ids Fan Harns". http://tinyurl.com/3f8zlxr

De tekst is earder publisearre yn keatsblêd Wis In. 

Keatsen 2.0

Ek de keatswrâld ûntkomt fansels net oan de dynamyk fan feroaring en fernijing op de digitale snelwei. Ien fan dy nije ûntwikkelings is de webside http://www.kaatshistorie.nl/ Dizze webside is it resultaat fan in gearwurking tusken Tresoar (Frysk, Histoarysk en Letterkundich Sintrum) en formeel sjoen de KNKB, mar yn de praktyk it Keatsmuseum. http://tinyurl.com/6e7aeer

Doel fan de gearwurking is om de komplete kolleksje foto’s en films fan it keatsmuseum te digitalisearjen en beskikber te stellen fia it ynternet. In wichtich doel wie om de groep keatsers, keatsleafhawwers en oare belutsenen yn aksje te krijen om de beskriuwingen te korrisjearjen en oan te foljen. Mar der wie ek it ferlangen dat besikers nei oanlieding fan in foto of film har oantinkens en ferhalen as reaksje tafoege soenen.

Om’t it feitlike wurk fan scanne en beskriuwe dien wurdt troch frijwilligers nimt it in protte tiid foar dat de hiele kolleksje beskikber is. Yntusken binne der sa’n 8000 foto’s en 40 filmkes te besjen op de webside. It is opmerklik dat der hast gjin dei foarby giet of der komt wol in reaksje op ien of meardere foto’s. Yn de twa jier dat de side no yn ‘e loft is, binne der sa’n 400 reaksjes binnen kaam. Meastentiids giet it om korreksjes of oanfollings op feitlike gegevens. Oantinkens of moaie ferhalen bliuwe wat fuort. Lâns it fjild hearre je somtiden de meast smoute ferhalen en anekdoates mar it keatsfolk is blykber skruten om soks te pleatsen op it ynternet. Doch binne der wol moaie foarbylden fan ynteraksje pleatst.

Sjoch dêrfoar de reaksjes by ûndersteande foto: http://tinyurl.com/4ert9qf 

It wurk giet stadich oan fierder en ûnderwilens is der in groepke dwaande om foto’s fan de CFK te sammeljen en dy fia de webside te publisearjen. Der binne ek al ferskate oanbiedings west fan ferienings en partikulieren dy’t har kolleksje wol fia dy site beskikber stelle wolle. Mar ûnder it motto “first things first” wurdt dy boat noch wat ôfhâlden.

Mar it fisioen is helder. Yn de takomst soe de side ek plak biede kinne oan (âlde) wedstriidlisten fan keatspartijen. Dan komme al dy min of mear anonime spilers dy’t wol meidien ha, mar net ta de priiswinners op de foto's hearden, wer ta libben. Kompleet mei de útslaggen fan earste en twadde omloop jout soks wer nij elan oan de winsk ta ynteraksje mei de keatswrâld. Sa soe bygelyks Rients Gratama op grutske wize syn pakesizzer sjen litte kinne dat er ea meidien hat oan de Freulepartij. En datselde jildt fansels foar in protte oare pakes.

Fierder dreame, soe it sels mooglik wêze dat yndividuele keatsers of keatsferienings op de side har eigen útstalling meitsje fan scande foto’s, wedstriidlisten, kranteferslaggen (keppele oan de digitaal beskikbere Ljouwerter Krante) en fansels mei in persoanlik ferhaal. Sa soe der in firtuele keatswrâld ûntstean kinne, mar oft dy tippe kin oan de fysike keatswrâld waach ik te betwiveljen. Foarearst sil it wol by dreamen bliuwe.

Sjoch foar in bysûndere reaksje ek: http://tinyurl.com/69ryrnv

Genealogie van Bote Gosses Bruinsma. Mede-oprichter en eerste voorzitter van de PC

In  De Keatsfreon (2006) gaf  ik in het artikel  “Op syk nei Bote Bruinsma” een getekend overzicht van zijn stamboom. [http://www.kaatshistorie.nl/doc/op_syk_nei_bote_bruinsma.pdf]
Zowel de tekst als het getekende overzicht waren niet de plek om alle detail informatie uit de burgerlijke stand te vermelden. Maar omdat er nog veel onopgeloste vragen zijn, plaats ik hier zijn stamboom met aanvullende gegevens. Aanvullingen en reacties zijn meer dan welkom.

Vooraf

De ouders van Bote Gosses Bruinsma waren:

Gosse Botes Bruinsma

Geb. 05-01-1783 te Schuilenburg (onder Molkwerum) (gedoopt Molkwerum 19 jan. 1783)

Gest. 31-12-1847 Tzum

Geh. 06-05-1804 Hindeloopen met: Antje Justus Gerkama

Bovenstaande Gosse had twee broers: Pier en Pieter

En 4 zusjes: Geertje, Aagje, Fokje en Yetske. (ouders: Bote Gosses en Sybrig Piers)

Zij gebruikten beide al een familienaam voor 1811. Beide namen staan niet in de akten van naamsaangeving die in 1811 op last van de Franse overheid moesten worden opgemaakt.

-------------------------------------------------------------------------------------------------

Generatie I

Bote Gosses Bruinsma

Komt ook voor als Boote Gosses Bruinsma

Geb.    04 -12-1809 Tzum

Gest.   02-12-1880 Franeker

Geh.    28-04-1831 Harlingen

            Met: Antje Johannes Alkama (ook: Alkema en Aukema)

                       

Uit dit huwelijk: (6 zonen en 2 dochters)

1) Gosse. Volgt IIa

2) Johannes. Volgt IIb

3) Pier Volgt IIc

4) Gerbrig      geb. 28-10-1838 Tzum                       Gest. 20-12-1865 Franeker

5) Yme           geb. 28-11-1842 Tzum                       Gest. 23-05-1857 Franeker

6) Antje          geb. 15-02-1845 Tzum                       Gest. 23-09-1897 Franeker

                        geh. 30-04-1873 Franeker met Johannes Willem, Hendrik, Philip               Noordhoff (commissionair)

7) Sikke          geb. 10-12-1847 Tzum                       Gest. 12-03-1848 Franeker

8) Sikko          geb. 06-11-1850 Franeker      Gest. 11-01-1851 Franeker

Generatie II

IIa. Gosse Botes Bruinsma

Geb. 08-01-1832 Witmarsum. Gest. 19-02-1891 Wonseradeel      

Geh. 05-05-1855 Wonseradeel met Akke Willems

Beroep: Geneesheer te Arum

Uit dit huwelijk: 

1)      Antje Wilmina. geb. 22-01-1856 Arum. gest. ? geh. 01-07-1875 Wonseradeel met Hugo Leonardus Molenaar.

2)      Bote Gosses (volgt IIIa)

3)      Ynske. geb. 24-02-1860 Arum. Gest. ? geh. 23-05-1881 Wonseradeel met Douwe de Vries.

4)      Willem Isidore Jacques. geb 23-02-1862 Arum. Geëmigreerd naar de VS op 1-4-1884. Laatste woonplaats Arum.

5) Fenne Agnieta. geb. 27-01-1864 Arum.gest. 18-11-1866 Wonseradeel. 

6) Yme Johannes (volgt IIIb)

7) Gerbrigje. geb. 22-03-1866 Arum. Gest. ?

8) Isidore Jacque. geb. 14-05-1868 Arum. gest. 13-06-1868 Arum

NB. Er is een levenloze tweeling geboren op 16-07-1858 te Arum.

IIb. Johannes Botes Bruinsma

Geb. 18-09-1833 Witmarsum            Gest. 10-10-1916 Leeuwarden

Geh. 24-10-1864 Barradeel met Sybrigje Leenderts Tichelaar

Beroep: broodbakkersknecht            

Uit dit huwelijk:        

1) Antje. geb. 07-04-1865 Minnertsga. Gest. ?

2) Bote Gosses (volgt IIIc)

3) Ida. geb. 19-08-1868 Minnertsga. gest. 05-09-1868 Barradeel.

4) Ida. geb. 22-07-1870 Minnertsga. gest. 29-12-1934 Het Bildt.geh. 31-05-1894 Het Bildt met Jan Schat. NB.

5) Levenloos kind op 21-09-1871Minnertsga

IIc. Pier Botes Bruinsma

Geb. 14-02-1836 Tzum. Gest. 26-10-1881 Hennaarderadeel

Geh. 1) 29-0701860 Franeker met Jeltje Nicolaas Bos

Uit dit huwelijk:

1)      Bote Gosses. Volgt IIId

2)      Nicolaas Johannes. Geb. 13-10-1863 Franeker. Gest. 22-11-1864 Franeker

3)      Nicolaas Volgt IIIe

4)      Antje. Geb. 07-06-1867 Franeker. Gest. 05-10-1867 Franeker

5)      Gosse. Geb. 08-06-1869 Franeker. Gest. 13-10-1869 Franeker.

Geh. 2) 21-10-1874 Franeker met Sijtske Drijfhout

Uit dit huwelijk:

1)      Antje. Geb. 04-05-1876 Franeker.

2)      Folkert. Volgt IIIf

Generatie III

IIIa. Bote Gosseszn. Bruinsma

geb. 18-10-1857 Arum. gest.?

Geh. 30-06-1890 Menaldumadeel met Maria Elisabeth de Ringh

Beroep: Arts

Uit dit huwelijk:

1) Gosse Botes (Volgt IVa)

2) Anton Henri (volgt IVb)

3)      Margaretha Akke Geb. 08-09-1898 Berlikum

4)      Anna Willemina Geb. 18-05-1901 Berlikum. Gest. 25-05-1901 Minnertsga

IIIb. Yme Johannes Gosseszn. Bruinsma

Geb. 10-02-1865 Arum. Gest. 20-12-1950 Assen (woonplaats Vries).

Geh. 13-02-1890 Wonseradeel met Jetske Wiebes Bangma (van Pingjum)

Beroep: Graanhandelaar

Uit dit huwelijk:

1)      Jacobina Wijbina. Geb. ong. 1891 Nieuwolda. Geh. 05-08-1914 Groningen met Jacobus Huisinga.

2)      Gosse Botes. Volgt IVc

IIIc. Bote Gosses Johanneszn. Bruinsma

Geb. 16-02-1867 Minnertsga. Gest. 15-05-1951 Sioux Center Iowa (VS)

http://www.pc-franeker.nl/Geschiedenis/Lijsten-uitslagen-1854-heden/?p=331

Geëmigreerd op 08-05-1890 naar de VS. Noemde zich in de VS: Bert.

Geh. 10-10-1894 Orange City in Iowa (VS) met Tjerkje de Groot. Zij was geb. op 23-04-1873 in Arum.

Uit dit huwelijk:

1) Joe             1895-1961

2) Dick           1896-1989

3) Sam            1898-1908

4) Elsie           1902-1989

5) Lane           1905-1971

6) Lena           1906-1993

7) Sam            1910-2002

8) Bert            1918-1967

9) Reynold     1920-1989

IIId. Bote Gosses Pierzn.Bruinsma

Geb. 20-08-1861 Franeker. Gest. ??????

IIIe. Nicolaas Pierzn. Bruinsma

Geb. 16-07-1865 Franeker.

IIIf. Folkert Pierzn. Bruinsma

Geb. 16-5-1880 Wommels. Gest.

Geh. 09-05-1917 met Jetske Aukema

Generatie IV

IVa. Gosse Boteszn. Bruinsma

Geb. 30-06-1890 Berlikum. Gest. ……….. in Indië.

IVb Anton Henri Boteszn. Bruinsma

Geb. 31-07-1892 Berlikum

IVc. Gosse Botes Ymezn. Bruinsma

Geb. ong. 1894 Nieuwolda. Geh. 14-01-1920 Groningen met Willemina Kamerling.

Keatsgedichtjes

Mei it moaie waar fan hjoed, sneon 21 maart, begjinne de keatsieren op te spyljen. Doch noch in goed moanne wachtsje. Hjir in pear dichtrigels om de tiid te deadzjen.

Op 'e dea

Alles oan de hang

is in skilderij

moai fan fierens

net fan tichtby

Komeedzje

Komeedzje spilet

men faaks

better op it fjild

dan op it toaniel

Kwestje             http://tinyurl.com/6jnzb3c

De grutste kwestje

by it keatsen is:

de kwestje, wêr’t no

krekt de keats wol is.

Talint

Wolst dat dyn talinten

by it keatsen dy net hinderje

wêz beskiedener dan de betteren

mar bretaler dan de minderen